ಕಳೆದ ೮ ತಿಂಗಳಲ್ಲಿ ಅಮೇರಿಕದ ಬೇ ಏರಿಯಾ( ಕ್ಯಾಲಿಫೋರ್ನೀಯ ರಾಜ್ಯದ ಸ್ಯಾನ್ ಫ್ರಾನ್ಸಿಸ್ಕೊ ನಗರದ ಸಮೀಪ ಇರೋ, ಪೆಸಿಫಿಕ್ ಸಾಗರ ಒಳ ನುಗ್ಗಿರೋ ಪ್ರದೇಶದ ಸುತ್ತ ಇರೋ ಸ್ಥಳಗಳು...ಅಬ್ಬಾ!) ದಲ್ಲಿ ನನ್ನನ್ನು ಹೆಚ್ಚು ಆಕರ್ಷಿಸಿದ್ದು ಅಂದ್ರೆ ಇಲ್ಲಿನ ಜನಸ್ನೇಹಿ ಹಾಗೂ ಅಚ್ಚುಕಟ್ಟಿನ ಸಾರ್ವಜನಿಕ ಸಾರಿಗೆ ವ್ಯವಸ್ಥೆ.
ನಾನಿರುವ ಸನ್ನೀವೇಲ್, ಪಕ್ಕದ ಸ್ಯಾನ್ ಹೋಸೇ, ಕೂಪರ್ಟೀನೊ, ಮೌಂಟನ್ ವ್ಯೂ, ಪ್ಯಾಲೊ ಆಲ್ಟೊ ಇತ್ಯಾದಿ ನಗರಗಳಲ್ಲಿ ಈ ಸೇವೆ ನೀಡುತ್ತಿರುವ ಸಂಸ್ಥೆ VTA (ವ್ಯಾಲೀ ಟ್ರ್ಯಾನ್ಸ್ಪೋರ್ಟೇಶನ್ ಅತಾರಿಟೀ ಅನ್ನೋದರ ಸಂಕ್ಷಿಪ್ತ. ಹೆಚ್ಚಿನ ಮಾಹಿತಿಗೆ www.vta.org ನೋಡಿ ). ಬಸ್ ನ ಜೊತೆಗೆ ಲೈಟ್ ರೈಲ್, ಕಮ್ಯುನಿಟಿ ಸೇವೆ, ಎಕ್ಸ್ಪ್ರೆಸ್ ಸೇವೆ, ರ್ಯಾಪಿಡ್, ಪ್ರಾದೇಶಿಕ ಸಾರಿಗೆ ಇತ್ಯಾದಿ ತರಹದ ಸೇವೆಗಳನ್ನು ಇದು ಜನರಿಗೆ ನೀಡುತ್ತಾ ಇದೆ. ಬಸ್ ಮತ್ತು ಲೈಟ್ ರೈಲ್ ( ಹಗುರ ರೈಲ್ ಅಂತ ಬೇಕಿದ್ರೆ ಅನ್ನೋಣ :) ಇದು ಹೇಗಿರತ್ತೆ ಅನ್ನೋದಕ್ಕೆ ಕೆಳಗಿನ ಚಿತ್ರ ನೋಡಿ) ಬಗ್ಗೆ ನನಗೆ ಹೆಚ್ಚು ಮಾಹಿತಿ ಇರೋದ್ರಿಂದ ಅದರ ಬಗ್ಗೆ ಮಾತ್ರ ಹೇಳ್ತೇನೆ.
ಏನೇನು ವಿಶೇಷಗಳು ?
* ಬಸ್ ಮತ್ತು ರೈಲ್ ಸೇವೆಯನ್ನು ಗೂಗಲ್ ಮ್ಯಾಪ್ ಜೊತೆ ಜೋಡಿಸಿದ್ದಾರೆ (Integrate). ಹಾಗಾಗಿ ಮನೆ ಅಲ್ಲಿ ಕುಳಿತೇ ಗೂಗಲ್ ಮ್ಯಾಪ್ ಸಹಾಯದಿಂದ ಇರೋ ಜಾಗದಿಂದ ಹೋಗುವ ಜಾಗಕ್ಕೆ ಇರುವ ಬಸ್ / ರೈಲ್ ಸೇವೆ, ಮಾರ್ಗಗಳು, ಟಿಕೆಟ್ ದರ, ತಗಲುವ ಸಮಯ ಇತ್ಯಾದಿ ವಿವರಗಳನ್ನು ಕ್ಷಣ ಮಾತ್ರದಲ್ಲಿ ತಿಳಿದುಕೊಳ್ಳಬಹುದು.
* ಬೇಡಿಕೆ ಮತ್ತು ಪೂರೈಕೆಯಲ್ಲಿ ಸಮತೋಲನ ಇದೆ.ಅಂದ್ರೆ ಯಾವ ಯಾವ ಮಾರ್ಗದಲ್ಲಿ ತುಂಬಾ ಜನ ಓಡಾಡ್ತಾರೋ ಅಲ್ಲಿ ಹೆಚ್ಚು ಹೆಚ್ಚು ಬಸ್, ರೈಲ್ ಸೇವೆ ಇದೆ. ನಿರಂತರವಾಗಿ ಸೇವೆ ಲಭ್ಯ ಇರೋದ್ರಿಂದ ಹೆಚ್ಚು ಕಾಯೋ ಕಷ್ಟಾನೂ ಇಲ್ಲ.
* ಬಸ್, ರೈಲ್ ಸೇವೆಗಳ ಸಮಯ ಪಾಲನೆ ಕಂಡ್ರೆ ನೀವು ದಂಗಾಗದೆ ಇರದೆ ಸಾಧ್ಯಾನೆ ಇಲ್ಲ !..ಹೌದು ಅಷ್ಟರ ಮಟ್ಟಿಗೆ ಶಿಸ್ತಿನ ಸಿಪಾಯಿಗಳು ಇಲ್ಲಿನ ಬಸ್ ಚಾಲಕರು. (ಅಂದ್ಹಾಗೆ ಇಲ್ಲಿ ಕಂಡಕ್ಟರ್ ಅನ್ನೋ ಪರಿಕಲ್ಪನೆನೇ ಇಲ್ಲ !). ಬಸ್, ರೈಲುಗಳು ತಡವಾಗಿ ( ಅಂದ್ರೆ ೪-೫ ನಿಮಿಷ !) ಬರೋದು ಬಹಳ ಅಪರೂಪ.
* ಬಸ್ ಹತ್ತುತ್ತಿದ್ದ ಹಾಗೆ ಚಾಲಕರು ಹೈ, ಹೆಲ್ಲೋ, ಗುಡ್ ಮಾರ್ನಿಂಗ್ ಹೇಳಿ ಸ್ವಾಗತಿಸುತ್ತಾರೆ. ಎಲ್ಲಿಗೆ ಅಂತ ಹೇಳಿದ್ರೆ ಟಿಕೆಟ್ಟೋ ಅಥವಾ ಪಾಸು ಪಡೆಯೋದು ಒಳ್ಳೆಯದೋ ಅಂತಾನೂ ಹೇಳ್ತಾರೆ.
... ( ಮುಂದುವರೆಯುವುದು )
ಚಿತ್ರ ಕೃಪೆ ( Images from) : Google Images & www.vta.org
ತೋಚಿದ್ದನ್ನು ಗೀಚಲು..ಅದನ್ನು ದೊಡ್ಡದಾಗಿ ತೋರ್ಸ್ಕೊಳ್ಳಲು ನಾನು ಮಾಡ್ಕೊಂಡಿರೋ ಒಂದ್ ಜಾಗ....
WELCOME !
WELCOME ! No images or posts on this blog may be copied or reproduced without owners permission.
Thursday, September 30, 2010
Saturday, September 18, 2010
Tuesday, September 14, 2010
Sunday, September 12, 2010
Tuesday, September 7, 2010
Thursday, September 2, 2010
Subscribe to:
Posts (Atom)