ಸ್ಟೀವ್ ಜಾಬ್ಸ್ ನ ಸೇಬಿನ ಕಂಪನಿಯ ( www.apple.com ) ಸಾಧನಗಳು/ಉಪಕರಣಗಳು ಯಾರಿಗೆ ತಾನೆ ಇಷ್ಟ ಆಗೋಲ್ಲ ? ಅದೂ ಅಮೇರಿಕಾದಲ್ಲಿ ಇದ್ದ್ಕೊಂಡು ಒಂದು ಮ್ಯಾಕೋ, ಐಪಾಡೋ, ಐಪ್ಯಾಡೋ , ಐಫೋನೋ ನಿಮ್ ಬಳಿ ಇಲ್ಲ ಅಂದ್ರೆ ಜನ ನಿಮ್ಮನ್ನ ಆಶ್ಚರ್ಯದಿಂದ ನೋಡ್ತಾನೇ ಇರ್ತಾರೆ. ಜನವರಿಯಲ್ಲಿ ಇಲ್ಲಿಗೆ ಬಂದಾಗ್ಲಿಂದಾನೂ ಇಲ್ಲಿ ಏನೇನು ತೊಗೋಬೋದು ಅಂತ ಅಣ್ಣ, ಅಕ್ಕ ನ ಜೊತೆ ಚಾಟು, ಇಮೇಲು, ಕಾಲ್ ನಲ್ಲಿ ಮಾತಾಡಿದ್ದೇ ಮಾತಾಡಿದ್ದು, ಗೂಗಲ್ ನಲ್ಲಿ ಹುಡುಕಾಟ ನಡೆಸಿದ್ದೇ ನಡೆಸಿದ್ದು... ಅವರಿವರ ಬಳಿ ಕೇಳಿದ ಸಲಹೆ, ಅಭಿಪ್ರಾಯಗಳಿಗೂ ಎನ್ ಕಮ್ಮಿ ಇಲ್ಲ. ಹಲವಾರು ದಿನಗಳ ಚರ್ಚೆಯ ಬಳಿಕ ಲ್ಯಾಪ್ ಟಾಪ್ ಬೇಡ ಅಂತ ನಿರ್ಧಾರ ಆಯ್ತು !
ಅಣ್ಣನಿಂದ ನೆಕ್ಸ್ಟ್ ಕ್ಯಾಮೆರಾ ತೊಗೋ ಅಂತ ಸಲಹೆ ಬಂತು . ಸರಿ ಕಣಣ್ಣೋ ಅಂತ ನೈಕಾನ್ ಕಂಪನಿಯ ಡೀ೫೦೦ ( http://bit.ly/aLVmW2 ) ಎತ್ತ್ಕೊಂಡೆ. ಓಕೇ ... ಆದ್ರೆ ಸ್ಟೀವ್ ಜಾಬ್ ಮಾಮಾ ಹತ್ರ ಏನು ತೊಗೊಂಡಿಲ್ಲ ಅನ್ನೋ ಯೋಚನೆ / ಚಿಂತೆ ಬಹಳ ದಿನಗಳಿಂದ ಇತ್ತು. ಹಾಗೆ ಮಾಡದೇ ಅಮೇರಿಕ ಪ್ರವಾಸ ಪೂರ್ಣಗೊಳ್ಳೋಲ್ಲ ಅನ್ನೋದೂ ಗೊತ್ತಿತ್ತು. ೪-೫ ತಿಂಗಳ ಹಿಂದೆ ಐಫೋನ್ ನ ೪ ನೇ ಜನರೇಷನ್ ಮಾಡೆಲ್ ಬಿಡುಗಡೆಗೊಂಡಾಗ ತೊಗೊಳ್ಳೋ ಮನಸ್ಸೇನೋ ಆಯ್ತು...ಆದ್ರೆ ನನ್ ಮಗಂದು ೨ ವರ್ಷಗಳ ಕಾಂಟ್ರಾಕ್ಟ್ ಇಲ್ಲದೇ ಸಿಗೋಲ್ವೇ !! ಕರಾರನ್ನು ಮುರಿದ್ರೆ ಕಡಿಮೆ ಅಂದ್ರೂ ೫೦೦-೮೦೦ ಡಾಲರ್ ಗಳನ್ನು ಹೆಚ್ಚಾಗಿ ಕಕ್ಕಬೇಕು !! ಯಾರಿಗಪ್ಪ ಮನಸ್ಸಾಯ್ತದೆ ?? ಸರಿ ಐಫೋನ್ಗೂ ನಮಸ್ಕಾರ ಅಂದೆ.
ಐಫೋನ್ ೪ ರ ಬೆನ್ನಲ್ಲೆ ಮೊನ್ನೆ ಐಪಾಡ್ ಟಚ್-೪ ಮಾರುಕಟ್ಟೆಗೆ ಬಂತು ... ಅದರ ತೆಳ್ಳಗಿನ ವ್ಯಕ್ತಿತ್ವ, ಹೊಸ ರೂಪ, ಸೂಕ್ಷ್ಮ ಹಾಗು ನಾಜೂಕುತನ , ಅದರ ಹಿಂದೆ ಬಿದ್ದ ಕೊಳ್ಳುಗರ ಸಾಲು, ಸುತ್ತಲೂ ಹರಿದಾಡುತ್ತಿದ್ದ ಒಳ್ಳೊಳ್ಳೇ ಮಾತುಗಳು ...."ಇನ್ನು ತಡ ಮಾಡ್ಬೇಡ್ಲೆ ತಮ್ಮಾ" ಅಂತ ಮನಸ್ಸೂ ಪ್ರೆಷರ್ ಹಾಕೋಕ್ಕೆ ಶುರು ಮಾಡ್ಬಿಡ್ತು....ಸರಿ ನಿನ್ನ ಎದುರು ಹಾಕೊಳ್ಳೋಕ್ಕೆ ಆಗುತ್ತಾ ಅಂತ ಅಣ್ಣನಿಗೊಂದು ಮಾತು ಹೇಳಿ , www.pricegrabber.com ನಲ್ಲಿ ದರಗಳನ್ನು ತಾಳೆ ಮಾಡಿ ನೋಡಿ ನಮ್ಮ www.amazon.com ಎಲ್ಲರಿಗಿಂತ ಬೆಸ್ಟು ಅಂತ ಗೊತ್ತಾದೊಡನೆ ಐಪಾಡ್ ಅನ್ನು ಎತ್ತಿ ಗಾಡಿಗೆ( Cart ) ಹಾಕಿ ಆರ್ಡರ್ ಮಾಡೇ ಬಿಟ್ಟೆ :)
ನನ್ ಐಪಾಡು ( ಹೌದು ಮೇಲಿರೋದೇ :) ) ಮನೆಗೆ ಬಂದ ಕಳೆದ ೩-೪ ದಿನಗಳಿಂದ ದಿನದ ಅರ್ಧ ಸಮಯ ಅದಕ್ಕೇ ಮೀಸಲು :) ಇದಕ್ಕಿಂತ ಹೆಚ್ಚಿಗೆ ಇನ್ನೇನು ಹೇಳಲಿ ? ಮಾಮಾ ಐಪಾಡು ಸಕ್ಕತ್ತಾಗಿದೆ..ನಿಂಗೆ ತುಂಬಾ ಥ್ಯಾಂಕ್ಸ್ :)
3 comments:
sandagaite biDanno:)
ninna ipad henguito nange gottillale magaa,enaadru tagobekadre vynagi chinte antuu madti kanle
chennagi aithale thamma......
next item Binacular togo...
Very usefull for your trekking...
Post a Comment